İran Arazın suyunun Ermənistan tərəfindən çirkləndirilməsini inkar edir: “Narahat olmağa dəyməz, heç bir çirklənmə yoxdur”

GADTB: İranın Atom Enerjisi Təşkilatının rəhbəri Məhəmməd İslami Ermənistan “Metsamor” Atom Elektrik Stansiyasının nüvə_tullantıları ilə Araz çayının suyunun çirkləndirilməsi haqqında yayılan xəbərlərə münasibət bildirərək iddia edib:

“Heç bir çirklənmə yoxdur”.

O, əlavə edib: “Biz bu çayın suyunun keyfiyyətini davamlı olaraq nəzarətdə saxlayırıq və heç bir çirklənmə yoxdur”.

İslamın sözlərinə görə, Atom Enerjisi Təşkilatı müstəqil və davamlı şəkildə monitorinq aparır. Bu monitorinq onlayn və mütəmadi şəkildə həyata keçirilir.

Jurnalistin “Bununla bağlı narahatlığa səbəb yoxdur?” sualına o, belə cavab verib: “Narahatlığa heç bir əsas yoxdur”. / Azad İran