Molla rejimin məhkəməsi azərbaycanlı milli fəala qiyabı qərar çıxardı

GADTB-nin Mətbuat Mərkəzinə daxil olan məlumata görə, Təbrizdə irqçi fars-molla rejimin İnqilab Məhkəməsinin üçüncü şöbəsi Yaşar Həsənpura (Yaşar Türk) qarşı çağırış vərəqəsi verərək, onun barəsində “çıxarılan hökm”ü almaq üçün məhkəməyə çağırıb.

Çağırışda bildirilir ki, onun “ittihamı” ilə bağlı hökm çıxarılıb. Halbuki, ona ittiham irəli sürülməyib və məhkəmə də keçirilməyib.

Qeyd edək ki, ETTELAAT qüvvələri Urmiya gölünün vəziyyəti ilə bağlı kütləvi etiraz aksiyaları təşkil etmək qorxusundan bir çox azərbaycanlı milli fəalı yaxalayıb. Həmin günlərdə Yaşar Həsənpurun evinə də rejimin məmurları hücum edib və evdə axtarış aparıblar.