GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ümumi etirazlar zamanı həbs olunan Səhənd Nurməhəmmədzadə ikinci dəfə gözündən əməliyyat olunub. Həbsxanada ona edilən təzyiqlər gözünün vəziyyətinin kəskinləşməsinə səbəb olub.
Nurməhəmmədzadənin göz qişasının içərisində ləkə yaranıb. O, əvvəllər lazer əməliyyatı keçirib, lakin problem həll olunmayıb və iyulun 1-də yenidən gözündən əməliyyat olunub.
Azərbaycanlı etirazçı bu il martın 12-də müalicə olunmaq üçün 9 milyard tümənlik girovla müəyyən müddətə həbsdən azad edilib.
Qeyd edək ki, Səhənd Nurməhəmmədzadə 2022-ci il oktyabrın 4-də Tehran şəhərində həbs edilib və dekabrın 3-də barəsində edam hökmü çıxarılıb.
26 yaşlı gənc etiraz aksiyaları zamanı zibil qutularını yandıraraq yolu bağlamaqda, ictimai nəqliyyatın fəaliyyətinə mane olmaqda günahlandırılıb.
O, barəsində çıxarılan qərardan şikayət etdikdən sonra ölüm hökmü 6 il azadlıqdan məhrumetmə və 10 il sürgün cəzasına dəyişdirilib.
