Molla rejimi həbs etdiyi azərbaycanlı fəalları məhkəməyə çağırdı

 GADTB-nin Mətbuat Mərkəzinə daxil olan məlumata görə, irqçi fars-molla rejimi Tehranın Evin zindanında həbsdə saxladığı Azərbaycan Milli Hərəkatının fəallarından olan Murtaza Pərvin, Baqir Hacızadə, Ayaz Seyfxah və Kamal Nuri Tehran İnqilab Məhkəməsinin 15-ci bölməsinə çağırıb.

Fəallara göndərilən çağırış məktubunda bildirilib ki, bu onlara qarşı açılan məhkəmə işi ilə bağlı dinləmə iclasının keçirilməsi ilə bağlıdır.

Azərbaycanlı milli fəallar iyulun 3-də məhkəmədə onlara qarşı irəli sürülən ittihamlara qarşı özlərini müdafiə etmək üçün çıxış etməlidirlər.

Qeyd edək ki, adı çəkilən fəallar və başqa bir neçə fəal fevral ayının 5,6 və 7-də Xiyav, Ərdəbil, Rəşt, Urmu, Təbriz, Tehran, Kərəc və Astara şəhərlərində həbs ediliblər.

Molla rejimin ETTELAAT məmurları onların bəzilərinin evinə hücum edib, axtarış aparıb və onlara məxsus bir sıra avadanlıqları müsadirə edib.