GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Urmiya Universitetinin öyrənciləri Türkiyə komandasının qələbəsini xüsusi alqışladılar. 2019-cu il aprelin 28-də futzal üzrə “Urmiya Universitetinin Beynəlxalq Turniri” çərçivəsində keçirilən yarışda Türkiyə komandası 4:2 hesabı ilə qalib gəlib. Ərzurum Atatürk Universiteti komandasının İraqın kürd bölgəsində yerləşən Səlahəddin Universitetinin komandasını məğlub etməsi azərbaycanlı öyrəncilərin böyük sevincinə səbəb olub.
Oyub boyu türk öyrəncilərini dəstəkləyən azərbaycanlı öyrəncilər Atatürk Universitetinin komandası qalib gəldikdən sonra meydana daxil olub, şənlik etdilər. Əllərində Traxtur komandasının bayrağını qaldıran öyrəncilər gur səslə “Yaşa Türkiyə” şüarı səsləndiriblər.
Qeyd edək ki, “Urmiya Universitetinin Beynəlxalq Turniri” Türkiyə, Lübnan, İraq, Şərqi və Qərbi Azərbaycan əyalətləri komandalarının iştirakı ilə keçirilib.
