GADTB Güney Azərbaycan Demokratik Türk Birliyi
GADTB: Evin həbsxanasında saxlanılan azərbaycanlı fəallar Abbas Lisani və Yusif Kari ailələri və yaxınları ilə əlaqə saxlayaraq bildiriblər ki, ümumi bölməyə köçürüldükdən və irəli sürdükləri tələblər yerinə yetirildikdən sonra aclıq aksiyasına son veriblər.
Məlumata görə, aclıq aksiyası başladıqdan sonra həbsxana rəhbərliyi hər iki fəalın Evin həbsxanasının 7-ci korpusunun 6-cı zalına köçürülməsi ilə razılaşıb. Bununla da onlar təxminən yeddi ay təkadamlıq kamera və karantin şəraitində saxlanıldıqdan sonra ümumi bölməyə keçirilib.
Fəallar bildiriblər ki, onlara qarşı təzyiqlər və yeni məhdudiyyətlər davam edəcəyi təqdirdə, yenidən aclıq aksiyasına başlayacaqlar.
Abbas Lisani və Yusif Kari bundan əvvəl də məhkəmə iclaslarında iştirakdan imtina edərək, “qapalı keçirilən və ədalətli məhkəmə araşdırması meyarlarına cavab verməyən” məhkəmələrdə iştirak etməyəcəklərini açıqlamışdılar.
