GADTB Güney Azərbaycan Demokratik Türk Birliyi
GADTB: İranın keçmiş mədəniyyət və islami irşad naziri Əli Cənnəti “Xəbər Onlayn” saytına müsahibəsində bildirib ki, gələcəkdə iqtisadi və sosial-məişət problemləri səbəbindən İranda yenidən kütləvi etirazların baş verməsi mümkündür.
O deyib ki, əvvəlki təcrübələri nəzərə alaraq, hakimiyyət “xarici düşmənlə əlaqəli ünsürlərin” ölkəyə daxil olmasına və onun ifadəsi ilə desək, “keçmişdə baş vermiş faciələrin” yenidən təkrarlanmasına imkan verməyəcək.
Əli Cənnəti bildirib: “Dey ayında baş verən hadisələr əvvəlcə tamamilə dinc etiraz idi. İnflyasiyanın və bahalaşmanın artmasına görə insanlar etiraz edir, bazar esnafının bir hissəsi küçələrə çıxırdı. Lakin sonradan xarici amillər etiraz dalğasına qoşularaq zorakılığın artmasına səbəb oldular.”
Keçmiş nazir əlavə edib ki, onun fikrincə, iğtişaşlarda iştirak edən şəxslərin saxlanılması həmin hadisələrdə “xarici amillərin tam şəkildə müdaxilə etdiyini” göstərib.
