GADTB Güney Azərbaycan Demokratik Türk Birliyi
GADTB: “The Wall Street Journal” qəzeti hərbi planlaşdırma ilə tanış amerikalı rəsmilərə istinadən xəbər verir ki, Yaxın Şərqdəki ABŞ hərbi gəmiləri münaqişənin mümkün gərginləşməsinə və İrana qarşı yeni zərbələr dalğasına hazırlaşır. Nəşrin məlumatına görə, ABŞ Prezidenti Donald Tramp belə bir qərar verərsə, hücumlar yaxın həftələrdə həyata keçirilə bilər.
Qəzetin hazırladığı reportajda Ərəbistan dənizində yerləşən ABŞ təyyarədaşıyan gəmisində və idarəolunan raketlərlə təchiz edilmiş esminesdə davam edən uçuş əməliyyatları, eləcə də gəmilərə böyük həcmdə sursat və digər hərbi təchizatın çatdırılması təsvir olunur.
Məlumata görə, daşınan silahlar arasında yerüstü hədəfləri vurmaq üçün nəzərdə tutulmuş çoxsaylı uzaqmənzilli raketlər, həmçinin möhkəmləndirilmiş mövqeləri və yeraltı obyektləri dağıtmaq üçün istifadə edilən bunkerdağıdan bombalar var.
