ABŞ türk ölkəsi Qırğızıstanın milyonlarını geri qaytardı

ABŞ Qırğızıstana eks-prezident Kurmanbek Bakiyevin ABŞ-a apardığı 4,6 milyon dolları qaytarıb

Bu məlumatı Qırğızıstan Maliyyə Nazirliyi yayıb. Nazirlik ABŞ-la əldə edilən razılaşmaya əsasən, Bişkekin bu vəsaiti tibbi avandanlıqların alınmasına, həmçinin su təmizlənməsi üçün sistemin əldə edilməsinə xərcləməli olduğunu bildirib.

Qeyd edək ki, ABŞ-la Qırğızıstan arasında Bakiyevin aktivlərinin geri qaytarılması haqqında razılaşma cari ilin 25 fevralında imzalanıb.

Bakiyev 2010-cu ildə hakimiyyətdən devrilib. O, hazırda Belarusda yaşayır.