Afrind döyüşən ABŞ terrorçusundan türk ordusunun gücü barədə etiraf

GADTB-nin Mətbuat Mərkəzinə daxil olan məlumata görə, “Zeytun budağı” əməliyyatından əvvəl Türkiyəni təhdid edən əcnəbi terrorçuların bir çoxu məhv edilib, qalanları isə qaçıb.

Məlumata görə, Türkiyə ordusunun Afrinə son zərbəsindən sonra terrorçular ABŞ-ın verdiyi silahları da ataraq şəhəri tərk ediblər. PKK tərəfindən döyüşən əcnəbi terrorçular türk hərbçilərinin şücaətindən şoka düşüblər. Amerikalı terrorçu Tolhildan Civan adlı terrorçu bunları deyib:

“Türk döyüş təyyarələri ardıcıl olaraq bomba yağdırırdı. Rusiya, ABŞ, NATO və AB bunları görsələr də, qarşısını almadılar. Türkiyəni heç kim dayandıra bilmədi”.

Qeyd edək ki, “Zeytun budağı” əməliyyatı başlayandan bu günə qədər 3733 terrorçu məhv edilib. Onların arasında xeyli əcnəbi terrorçunun da olduğu bildirilib.