Cümə axşamı , Mart 28 2024
azfa

Avropa Parlamentindən İran adlanan ölkədə baş örtüyünü açan qadınlara dəstək

GADTB-nin Mətbuat Mərkəzinin əldə etdiyi məlumata görə, Avropa Parlamenti irqçi fars rejimində baş örtüyünü açan qadınların ciddi işgəncə və təzyiqə görə onlara dəstək nümayiş etdirib. Bununla bağlı mart ayının 1-də Avropa Parlamentinin 45 millət vəkili Avropa Birliyinin xarici işlər naziri Federiko Moqeriniyə məktub yazaraq İran adlanan ölkədə məcburi baş örtüyünə qarşı etiraz olaraq baş örtüyünü açan qadınlara dəstək verməyi tələb ediblər.

Millət vəkillərinin məktubunda, baş örtüyünü açdığına görə yaxalanan və təzyiqə məruz qadınlardan Vida Müvəhhid, Şima Babayi, Nərgiz Hüseyni və s. qadınların həbsinə toxunularaq, onların xaricdən göstəriş aldığına dair rejimin iddiası rədd edilib. Məktubda yazılıb: “Biz, sizdən istəyirik ki, İranda məcburi baş örtüyünə qarşı etiraz etdiytinə görə həbs edilən qadınlara dəstək verib, həmin qadınları dərhal və qeydsiz-şərtsiz sərbəst buraxılmasını tələb edəsiniz”.

Bundan başqa Beynəlxalq Əfv Təşkilatı da fevral ayının 26-da bəyanat yayaraq, İranda ən azı 35 qadının baş örtüyünü açdığına görə rejim qüvvələri tərəfindən həbs olunmasından narahatlığını bildirib. Beynəlxalq Əfv Təşkilatının bəyanatında deyilir ki, məcburi hicaba qarşı dinc etiraza görə həbs edilən onlarla qadın təzyiqə məruz qalmış və hazırda ədalətsizcəsinə mühakimə edilirlər.

Həmçinin yoxlayın

Qərbi Azərbaycan İcması İrəvanı Fransanın oyunlarına getməməyə səslədi

GADTB: Qərbi Azərbaycan İcması Ermənistan hökumətini və ictimaiyyətini tarixdən dərs çıxararaq, Fransanın oyunlarına getməməyə çağırıb. …

Güney Azərbaycanda molla rejimin insan haqlarının pozmasına dair illik hesabat yayıldı

GADTB-nin Mətbuat Mərkəzinə daxil lan məlumata görə, azərbaycanlı fəallar və Abbas Lisani adına açılmış sosial …

Bir cavab yazın