GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Avstraliya-Azərbaycan Assosiyasiyası Prezidenti və GADTB Beynəlxalq Əlaqələr Departamentinin sədri sayın Mikayıl Oyta və sayın Sara xanım Azərsunun təşəbbüsü ilə Azərbaycanın Zəfər Günü Avstraliyanın Sidney şəhərində müxtəlif tədbirlərlə anıldı.
Gün boyu bütün şəhərdə böyük reklam avtomobili ilə Azərbaycan bayrağı, xari bülbül və Azərbaycanın Zəfər Günü lövhələri nümayiş etdirilib, əhaliyə Azərbaycanın zəfəri və işğal edilmiş ərazilərini azad etməsi barədə məlumat təqdim edilmişdir.
Günün ikinci yarısı və axşam saatlarında isə Zəfər Günü ilə bağlı Azərbaycan, Türkiyə və Avstraliya bayraqları ilə möhtəşəm avtoyürüş keçirilib.
Tədbirdə Avstraliyanın Sidney şəhərində Avstraliya-Azərbaycan Assosiyasiyası və GADTB üzvləri, eləcə də Sidneydə yaşayan azərbaycanlılar iştirak ediblər.
Tədbirdən video və şəkilləri təqdim edirik:
