GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bu gün 30 avqust – Türkiyənin Zəfər bayramı ilə bağlı Türkiyə Cümhuriyyətinin Avstraliyadakı baş konsulluğunun təşkilatçılığı ilə tədbir təşkil olunub. Tədbirdə Avstraliya Azərbaycanlıları Assosiasiyası (AAA) Prezidenti və Güney Azərbaycan Demokratik türk Birliyi (GADTB) Beynəlxalq Əlaqələr Departamentinin sədri sayın Mikayıl bəy Oyta yüksək səviyyədə iştirak edərək çıxış edib.
Sidney şəhərində iki müxtəlif yerdə keçirilən tədbirdə Türkiyə Cümhuriyyətinin Avstraliyadakı baş konsulu, Avastraliya Müdafiə Nazirliyinin hərbiçiləri, Güney Azərbaycan Demokratik Türk Birliyi”, “Türk Körpü Muzik Sənətkarlar Assosiasiyası” və Azərbaycan, Türkiyə və Şimali Kipr Türk Cümhuriyyətini təmsil edən digər təşkilat rəhbərləri iştirak edib.
Qeyd edək ki, Avqustun 30-u Türkiyə tarixinin ən önəmli günlərindən biri – Zəfər bayramıdır. 1922-ci il avqustun 30-da Türkiyə ordusu Mustafa Kamal Paşanın komandanlığı altında Qurtuluş savaşının taleyini həll edəcək zəfər qazanaraq ölkənin cənub-qərbini yunan işğalından azad edib.
