Cümə , Noyabr 13 2026
azfa

Azərbaycanın Tikantəpə (Təkab) şəhərinin simvolu olan Sərdar Qalası divarlarına mismar və hökumət təbliğatı bannerləri vurulmaqla ziyan yetirilib

GADTB: Azərbaycanın Tikantəpə şəhərinin simvolu hesab olunan tarixi Sərdar Qalası baxımsız vəziyyətə düşüb. Mismarların divarlara vurulması nəticəsində yüz ildən artıq yaşı olan bu tarixi abidənin bəzi hissələrinə ziyan dəyib.

Məlumata görə, İran və ABŞ arasında baş vermiş müharibədən sonra bu tarixi məkanı gecələr hökumətin muzdlu tərəfdarlarının toplaşdığı yerə çevirən təhlükəsizlik qurumları bu dəfə də hökumət bannerləri asmaq və tarixi tikilinin divarlarına mismar vurmaqla Tikantəpədəki qiymətli abidənin bəzi hissələrinə zərər yetiriblər.

Sərdar Qalası Qacarlar dövründə “Sərdar Əfşar” kimi tanınan Hüseynəli xan Əfşar tərəfindən inşa edilib və yüz ildən artıq tarixə malikdir. Bu qala Tikantəpə şəhərinin simvolu hesab olunur və yarım əsrdən çox müddətdə Azərbaycanın Əfşar bölgəsinin inzibati mərkəzi olub.

Tarixi qala milli səviyyədə qeydiyyata alınıb. Əvvəllər rəsmilər onun Mədəni İrs İdarəsinin ixtiyarına veriləcəyinə söz versələr də, yaradılan maneələr səbəbindən bu vəd indiyədək yerinə yetirilməyib.

Sərdar Qalası Azərbaycanın Əfşar bölgəsinin mədəni kimliyinin və kollektiv yaddaşının bir hissəsidir. Tikantəpə sakinləri hesab edirlər ki, bu tarixi abidə siyasi və ideoloji təbliğat lövhəsi deyil.

Onların fikrincə, qiymətli tarixi tikilinin üzərinə bannerlər yapışdırılması, divarlarına mismar vurulması, hökumət təbliğatı və siyasi toplantılar üçün məkana çevrilməsi təkcə bölgənin mədəni irsinə və tarixi kimliyinə hörmətsizlik deyil, həm də gələcək nəsillər üçün qorunmalı olan tarixi əmanətin açıq şəkildə dağıdılmasıdır.

Həmçinin yoxlayın

İran İslam Respublikası ilə müharibənin maliyyələşdirilməsinin dayandırılması ABŞ-ın Tehran qarşısında imkanlarını məhdudlaşdıracaq

GADTB: Amerikanın “The National Interest” nəşri xəbərdarlıq edib ki, demokratların İran İslam Respublikası ilə müharibənin …

Molla rejimi Qəşqay türklərinin Qəşqay vilayətinin yaradılması tələbinə məhəl qoymur

GADTB: Qəşqay türklərinin Qəşqay vilayətinin bərpası və ya yenidən yaradılması ilə bağlı uzun illərdir davam …