Cümə , Sentyabr 24 2021
azfa

Azərbaycanlı milli-mədəni fəal Mehdi Kuxian aclıq aksiyasına başladı

GADTB-nin Mətbuat Mərkəzinə daxil olan məlumata görə, irqçi fars rejimin Marağada yerləşən zindanında həbsə atılan və kəskin şəkildə hüquqları pozulan azərbaycanlı milli-mədəni fəal Mehdi Kuxian iyun ayının 17-də aclıq aksiyasına başlayıb.

“Şəhr-i xəbər Məlikan” Teleqram kanalının müdiri olan azərbaycanlı fəal bazar ərtəsi günü ailəsi ilə qısa telefon əlaqəsində qanuni hüquqlarının bərpa edilməsi tələbilə aclıq aksiyasına başladığını bildirib.

Qeyd edək ki, azərbaycanlı fəal 2019-cu il aprelin 8-də ETTELAAT məmurları tərəfindən yaxalanıb.

Kuxianın yaxınlarının bildirdiyinə görə, Mehdinin yaxalanması Məlikanın millət vəkili Salman Xudadadinin müdaxiləsi və sifarişi ilə baş tutub. Salman Xudadadi isə ötən aylarda Zəhra Nəvidpura cinsi təcavüz və onun şübhəli ölümü ilə bağlı ittiham edilib və M.Kuxian da bu barədə məlumatı yaymağa çalışıb.

Bundan əvvəl dəfələrlə Məlikanın millət vəkili Salman Xudadadi tərəfindən təhdid edilən azərbaycanlı fəal yaxalanarkən döyülüb və sonra Məlikanda yerləşən ETTELAAT İdarəsinin təcridxanasına salınıb.

Mehdi Kuxian bundan öncə də milli-mədəni fəaliyyətləri ilə bağlı yaxalanıb, həbs və işgəncələrə məruz qalmışdır.

Həmçinin yoxlayın

Azərbaycanlı milli fəal Ruzbeh Pirinin ailəsi fəalı həbs edən məmurların fəalı döydüklərinə görə məhkəməyə müraciət ediblər

GADTB-nin Mətbuat Mərkəzinə daxil olan məlumata görə, Təbrizdə həbs olunan azərbaycanlı milli fəal Ruzbeh Pirinin …

Abbas Lisani Əlirza Fərşiyə və onun istəklərinə dəstək üçün aclıq aksiyasına başlayıb

GADTB-nin Mətbuat Mərkəzinə daxil olan məlumata görə, irqçi fars rejimin Ərdəbil zindanında həbsdə saxladığı azərbaycanlı …

Bir cavab yazın