Cümə axşamı , Dekabr 2 2021
azfa

Azərbaycanlı siyasi məhbus Abbas Lisani MRT üçün xəstəxanaya aparıldı

GADTB-nin Mətbuat Mərkəzinə daxil olan məlumata görə, irqçi fars rejimin Ərdəbildəki zindanının 7-ci bölməsində 15 illik həbs cəzasını çəkən azərbaycanlı siyasi məhbus Abbas Lisani MRT üçün oktyabrın 21-də Klinik Terapiya Mərkəzinə aparılıb.

Azərbaycanlı siyasi məhbus klinikaya aparılarkən polis və rejimin təhlükəsizlik məmurlarından ibarət 3 avtomobil onu müşayiət edib.

Kəskin bel və diz ağrılarından əziyyət çəkən Abbas Lisani həkimlərinin verdiyi dərmanlar və tətbiq etdikləri müalicə işə yaramadığı üçn silahlı məmurların müşayiəti ilə Ərdəbilin “Fatimi” xəstəxanasına aparılıb, orada analizlər verdikdən sonra zindana geri qaytarılıb.

Koronavirus pandemiyası ilə basğlı məhbusların məzuniyyətə buraxılmasına qərar verilsə də lakin Abbas Lisaniyə məzuniyyət verilmir.

Qeyd edək ki, 2019-cu ilin iyul ayında rejimin Ərdəbildəki İnqilab Məhkəməsinin 1-ci şöbəsi tərəfindən Lisani 8 il həbs və 2 il sürgün cəzasına məhkum edilib.

Daha sonra bu qərar rejimin Ərdəbildəki Apellyasiya Məhkəməsi tərəfindən 2 il sürgün və 15 il həbs cəzasına qaldırılıb.

Həmçinin yoxlayın

Azərbaycanlı siyasi məhbus Abbas Lisaniyə azadlıq tələbilə dəstək aksiyası-Video

GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbil şəhərində oktyabrın 1-də bir qrup …

Azərbaycanlı fəalı Əkbər Mohacerinin həbsi üçün İran məhkəməsinin əməkdaşları onun evinə hücum ediblər

GADTB-nin Mətbuat Mərkəzinə daxil olan məlumata görə, İran rejiminin Şərqi Azərbaycandakı prokurorluğu Azərbaycan Milli Hərəkatının …