Bazar ertəsi , İyun 17 2024
azfa

Azərbaycanlı yazıçı və şairə Süsən Nəvadeyi Rəzi dünyasını dəyişdi

GADTB: Güney azərbaycanlı yazıçı, şairə və ictimai fəal Süsən Nəvadeyi Rəzi martın 16-da 61 yaşında dünyasını dəyişib.

1962-ci ildə dünyaya gələn Süsən Nəvadeyi Rəzi uzun illər “Məhdi Azadi” qəzetinin türkcə bölümündə çalışıb.

Ömrünün son illərini “Təməddün” qəzetinin türkcə bölümündə Azərbaycan mədəniyyəti və ədəbiyyatı ilə bağlı yazılar yazmaqla keçirib.

Nəvadeyi Rəzi “El bilimi” və “Folklorçu xanımlar” mədəni-ədəbi dərnəklərinin idarə heyətinin üzvü idi.

Onun “Arzuların gülşən bağı”, “Təbrizim kimi”, “Günlərin bir günündə”, “Muncuq hekayələri” və Azərbaycan dilində başqa bir neçə kitabı nəşr edilib.

Aşağıda onun son şeirlərindən biridir:

Hələ yaşayıram

Umudumda çillə gecəsi

Əllərim xəzəl səpilir payızlığıma

Baharın olaram bayramım olsan

Və ulduzluğunu sayrışaram

Hələ yaşayıram

Hələ ölməmişəm guman

nəmənəyə

…nəsnələr nəsnələrdən hələ

bəlkə də

Yaşamaq ölməyin o biri üzüdür?

Ürəyimdə dənizlər çaxnaşması var

Ovcumda balıqdır çabalayır sevgi

Qoynum sıx qucaqlaşmağa darıxır

dodaqlarım

Səhərin güzgüsündə, gülün gülüşü

Gözlərin sırrını bilmədim

Əkdiklərim cücərməmiş soldu nədənsə

Baharın olacaqdım bayramım olsaydın

Zaman şaşırdıcı ünsürdür

insanlar isə

acı və soyuqdurlar

Başımı qara-qara faciələr yağmalasada

Köksüm hələdə

yırğalanır yaşıl-yaşıl duyğular qoynunda.

Nəfəs çəkəndə nə olar?! bəlkədə illərdir ölmüşük…

Həmçinin yoxlayın

Səyyad Məhəmmədian girov qarşılığında zaminə buraxıldı

GADTB-nin Mətbuat Mərkəzinə daxil olan məlumata görə, Qoşaçaydan olan Azərbaycan milli hərəkatının tanınmış fəalı Səyyad …

Molla rejimi həbs etdiyi azərbaycanlı vəkil hələ də zindanın karantin bölməsində həbsdədir

GADTB-nin Mətbuat Mərkəzinə daxil olan məlumata görə, irqçi fars-molla rejimin məmurları Tehrandakı Evin zindanında həbsdə …