GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimin Kərəcin Qızıl Hisar zindanında həbsdə saxladığı 25 yaşlı azərbaycanlı gənc Milad Armundan heç bir məlumat verilmir.
Fəalın yaxınları bildiriblər ki, aprelin 30-da digər 3 məhbusla birgə naməlum yerə aparılan Miladın harada saxlanıldığı bilinmir. Bu vəziyyət Miladın yaxınlarında gəncin həyatının təhlükədə olması ilə bağlı narahatlıq yaradıb.
Qeyd edək ki, Xiyav (Meşkinşəhr) şəhərinin Qoşa kəndindən olan Milad Armun 2022-ci ilin sentyabr ayında genişmiqyaslı etiraz aksiyalarında iştirak etdiyinə görə həbs edilib. Gənc başqa 3 nəfərlə birgə Arman Əliverdi adlı hökumət məmurunun öldürülməsində ittiham olunur. Armun həbs edildiyi vaxt və ondan sonrakı dövrdə davamlı işgəncələrə məruz qalıb.
