Cümə axşamı , Mart 23 2023
azfa

Azərbaycanlılar Gürcüstanda etiraz aksiyasına başladı

GADTB-nin Mətbuat Mərkəzinə daxil olan məlumata görə, Gürcüstanda azərbaycanlıların yığcam yaşadığı Marneuli rayonunun Alget ərazi bilriyinə daxil olan Alget, Sabirkənd, Təzəkənd və Əzizkənd sakinləri etiraz aksiyası keçiriblər.

Etirazçılar Alget kəndi ərazisindən keçən mərkəzi avtomobil yolunu bağlayıblar.

Aksiyaçılar bir neçə kəndə marşrut avtobuslarının hərəkət qrafikindən şikayət ediblər. Kənd sakinləri avtobusların hərəkət qrafikinin onların tələblərinə uyğun olmadığını bildiriblər.

Etirazçıların sözlərinə görə, qüvvədə olan qrafik üzrə hərəkət edən avtobuslarda böyük sıxlıq yaranır və bu da sərnişinlərin haqlı narazılığına səbəb olur.

Kənd sakinlərinin etiraz etdiyi digər məsələ ağır yük maşınlarının kəndin mərkəzi yolu ilə hərəkət etməsi nəticəsində yolun yararsız hala düşməsi ilə bağlı olub.

Hadisə yerinə gələn Marneuli rayon bələdiyyəsinin nümayəndələri sakinləri narahat edən məsələlərlə bağlı rayon rəhbərliyi tərəfindən lazımi addımların atılacağına söz veriblər. Bundan sonra kənd sakinləri bağladıqları yolu açıblar.

Həmçinin yoxlayın

Güney Azərbaycanda Azərbaycan İnsan Hüquqları Təşkilatı yaradılıb

GADTB-nin Mətbuat Mərkəzinə daxil olan məlumata görə, Güney Azərbaycanda azərbaycanlı vəkil və hüquqşünaslar tərəfindən Azərbaycan …

Ərdəbil kəndlərində bayram münasibətilə uşaqlara türk dilində kitablar paylanıldı-Video

GADTB-nin Mətbuat Mərkəzinə daxil olan məlumata görə, Ərdəbildə azərbaycanlı  sənətçi və yazıçı Hüseyn Həsənnəjad anası …

Bir cavab yazın