Azərbaycan İnsan Hüquqları Cəmiyyəti (Ərk) Urmiya gölünün xilası tələbilə etiraz aksiyasına çağırış etdi

GADTB-nin Mətbuat Mərkəzinə daxil olan məlumata görə, Azərbaycan İnsan Hüquqları Cəmiyyəti (Ərk) Urmiya gölünün xilası tələbilə Avropada etiraz aksiyasına çağırış edib.

Azərbaycan İnsan Hüquqları Cəmiyyəti (Ərk) Urmiya gölünün qurudulması və baş verən ekoloji fəlakətə diqqət yönəltmək və gölün bərpası tələbilə sentyabrın 16-ı, yerli vaxtla saat 12:30-dan 14:00-ə kimi İsveçin Cenevrə şəhərində BMT-nin nümayəndəliyinin qarşısında etiraz aksiyası keçiriləcək.

Etiraz aksiyası ilə bağlı Azərbaycan İnsan Hüquqları Cəmiyyəti (Ərk) Azərbaycan türkcəsi, ingiliscə və farsca çağırış elanı yayıb.

Elanda bildirilib ki, aksiya Cenevrədə BMT nümayəndəliyinin qarşısındakı “Sınıq oturacaq” abidəsinin yanında keçiriləcək.