GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Azərbaycan Milli Hərəkatının bir qrup fəalı dekabrın 8-də rejimin Təbrizdəki Həbsxanasından yenicə azad edilmiş milli fəal Murtəza Nurməhəmmədi Nadarlının evinə gedərək, onunla görüşüblər.
Bu görüşdə Azərbaycanın keçmiş siyasi məhbusları, o cümlədən Tohid Əmirəmini və Yusif Kari də iştirak edirdi.
Qeyd edək ki, azərbaycanlı fəal Mürtəza Nurməhəmmədi Nadarlının həbsindən sonra rejimin məmurları onunla birlikdə həmin şəxsi evinə gediblər və evdə axtarış aparıldıqdan sonra cənab Nurməhəmmədinin şəxsi əşyaları, o cümlədən kitablarını götürüblər.
Cənab Nurməhəmmədi bundan əvvəl oğluna “Hunay” adının türk olduğu üçün İranın Vətəndaş Vəziyyətlərinin Qeydiyyatı İdarəsindən doğum haqqında şəhadətnamə ala bilmədiyi haqda məlumat yaymışdı.
