GADTB Güney Azərbaycan Demokratik Türk Birliyi
GADTB: Təbrizdə rejimin Vətəndaş Vəziyyətlərinin Qeydiyyatı İdarəsinin əməkdaşları adı türkcə “Ağgün Qaya” olan azərbaycanlı uşağa doğum haqqında şəhadətnamənin verilməsinə qarşı çıxıb və onun adını “Kaya” formasında doğum şəhadətnaməsinə yazıblar.
Bu barədə uşağın anası Sevinc Purşəhbaz xanım Balamın Adıı kampaniyasına danışıb:
“Oğlumuz 2023-ci il iyulun 1-də dünyaya gəlibvə biz ona Ağgün Qaya adını seçdik. Təbrizin vətəndaşlıq vəziyyəti aktları şöbəsinin rəsmiləri bildiriblər ki, bu ad “ad seçim sistemində” olmadığı üçün bu ada doğum haqqında şəhadətnamə vermirik. Rəsmilər Ağgün Qaya adını qeydiyyata almaqdan imtina edərək uşağa Kaya adını rəsmiləşdiriblər. Doğrudur, Kaya İstanbul türkcəsində Qaya deməkdir, ancaq idarə rəsmiləri Kaya adının türkcə olmadığını zənn edərək buna icazə verdilər. İnşallah bir gün övladımıza istədiyimiz adı, Ağgün Qaya adını verə bilərik.” – deyə xanım Purşəhbaz bildirib.
Vətəndaşlıq vəziyyəti aktlarının qeydiyyatı orqanının vəzifəli şəxslərinin bu əməli qanunsuzdur, “Vətəndaşlıq vəziyyəti aktları haqqında” Qanunun 20-ci maddəsində belə deyir: “ad seçmək ərizəçinin (uşağın valideynlərinin) haqqıdır.”
Əvvəllər də qeyd etdiyimiz kimi, Vətəndaşlıq Qeydiyyatı Təşkilatının türk adlarına qarşı strategiyalarından biri də uşaqların doğum şəhadətnaməsində türk olmayan adların məcburi qeyd edilməsidir. Bu üsul 30-40 il bundan öncə daha populyar idi, lakin hələ də davam etməkdədir.
