Azərbaycanlı fəal Əli Razizadə Nəzərlu 2 il həbsə və əlavə cəzalara məhkum edildi

GADTB-nin Mətbuat Mərkəzinə daxil lan məlumata görə, Azərbaycan Milli Hərəkatının fəalı Əli Rəzizadə Nəzərlu Tehran İnqilab Məhkəməsinin hakimi Sələvatinin sədrlik etdiyi 15-ci şöbəsi tərəfindən “Ölkə təhlükəsizliyini pozmaq məqsədi ilə qeyri-qanuni pantürkizm qrupuna üzv olmaq” ittihamı ilə 2 il həbsə məhkum edilib. Onun əlavə cəzalara, o cümlədən 2 il qruplara üzv olmağı və ölkədən çıxışı qadağan edilib.  

Məhkəmə qərarında deyilir: “…İnstaqramda etnik və pantürkist düşüncələrin təbliği və separatçı hərəkatların dəstəklənməsi sahəsində səhifənin yaradılması və pantürkist anti-təhlükəsizlik məhbuslarına dəstək verən videoçarxın dərc edilməsinə, GAMAJ , Abbas Lasani, Lətif Hüsni və İbrahim Nuri və digərlərini himayə ediyi üçün 2 il həbsə, 2 il qruplara üzv olmaq və ölkədən çıxış qadağasına məhkum edilib.

Qərardan bildiriş tarixindən etibarən 20 gün ərzində Tehran vilayətinin apellyasiya məhkəmələrinə şikayət verilə bilər.