GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin ana dili ilə bağlı həbs etdiyi azərbaycanlı milli-mədəni fəal Həmid Manafi Nadarlı həbs müddətini bitirməkdə olduğu üçün sürgün edilmək məqsədilə rejim tərəfindən məhkəməyə çağrılıb. Fəalın həbs müddətinin az hissəsi qaldığı üçün şərti həbs cəzası ilə dəyişdirilib
Fəaldan tələb olunub ki, 2 illik həbs sürgün cəzası ilə bağlı özünü Loristanda Əzna şəhərinin aidiyyəto orqanlarına təqdim etsin.
Qeyd edək ki, 2014-cü ildə Tehranın yaxınlığında yerləşən Nəsimşəhrdə Beynəlxalq Ana Dili Günü mərasiminə qatıldıqları üçün Behnam Şeyxi, Həmid Mənafi, Əkbər Azad və Əlirza Fərşi yaxalanmışdılar.
Fəallara rejimin Baharistandakı İnqilab Məhkəməsinin 1-ci şöbəsi tərəfindən toplam olaraq 45 il həbs və 8 il sürgün qərarı çıxarılmışdır.
Son olaraq Tehran Apellyasiya Məhkəməsinin 54-cü şöbəsi heç bir günahı olmayan həmin fəalların hər birini 2 il həbs və 2 il sürgün cəzasına məhkum etmişdir.
