GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi Əhər şəhərində yaşayan azərbaycanlı fəal Saleh Molla Abbasini bazar günü, mayın 21-də həbs əmri ilə yaxalayıb və Əhər Ədliyyə İdarəsinin üçüncü şöbəsində “yalan yaymaq” ittihamı irəli sürülüb.
Azərbaycanlı fəal daha sonra məhkəməyə qədər 1 milyard 200 milyon rial girov qarşılığında zaminə buraxılıb.
Bununla bağlı azərbaycanlı fəal özünün şəxsi İnstaqram səhifəsində məlumat paylaşıb.
Qeyd edək ki, Əhərdə yaşayan azərbaycanlı fəal Saleh Molla Abbasi 9 oktyabrda Əhərdəki evində həbs edilmişdi və 9 Noyabr 2022-də məhkəməyə qədər 1 milyard 200 milyon tümən girov qarşılığında, Təbriz Mərkəzi Həbsxanasından sərbəst buraxılmışdı.
Saleh Molla Abbasi keçmişdə, o cümlədən 2015-ci ildə də dəfələrlə Azərbaycan Türk Millətinin hüquqları uğrunda çalışdığı üçün yaxalanmışdı.
