GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ərdəbildə azərbaycanlı milli-mədəni fəallar keçən gecə Əli və Rza Vasiqi qardaşlarının evlərində gedərək, zaminə buraxılmaları münasibətilə onları ziyarət ediblər.
Qeyd edək ki, irqçi fars rejimin məmurları iyunun 10-da Vasiqi qardaşlarının iş yerinə hücum edərək, məhkəmə hökmünü göstərmədən onları döyərək həbs etmişdilər.
Rejimin məmurlar elə vəhşiliklə azərbaycanlı qardaşlara qarşı hücuma keçmişdilər ki, qonşular və ətrafda olan mağaza sahibləri də müdaxilə etmək məcburiyyətində qalmışdılar. Daha sonra isə rejimin təhlükəsizlik qüvvələrinin çağırışı ilə Ərdəbilin Qiyam dairəsində yaranan izdihamı dağıtmaq və qardaşları həbs etmək üçün hadisə yerinə 4 maşından ibarət əlavə qüvvə yeridilib.
Rejim Vasiqi qardaşlarının hər birini iyunun 16-da 110 milyon tümənlik mülki vəsiqə qarşılığında zaminə buraxıb.
Həmin azərbaycanlı fəallar döyülmə və işgəncə nəticəsində bədən xəsarəti alıblar və həmin bədən xəsarətinin şəkilləri də yayılıb.
