GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Azərbaycan türk milləti və fəalların kəskin etirazı nəticəsində irqçi və işğalçı fars rejimin amilləri Təbrizdə “fars” dili dərsliyinə ucaltdıqları maket və abidəni dəyişməyə məcbur olublar. Rejimin məmurları maketi dəyişərək “riyazziyyat” dərsliyi maketini onun yerinə quraşdırıblar.
Şəkildən də göründüyü kimi artıq 3-cü sinif dərsliyində “fars” sözü yerinə “riyazi” (riyaziyyat) sözü yazılıb. İrqçi fars rejimin rəsmi orqanı olan Bələdiyyə İdarəsinin bu şəkildə geri addım atması azərbaycanlı milli-mədəni fəalların etirazı və səyi nəticəsində baş verib.
Qeyd edək ki, azərbaycanlı fəallar “fars” dili dərsliyi maketinin üzərindən quraşdırılandan bir gün keçnədən “fars” sözünü silərək, yerinə “türk” yazmışdılar. Fəallar həmçinin maketin hər iki tərəfində müxtəlif milli şüarlar da yazmışdılar.
