GADTB Güney Azərbaycan Demokratik Türk Birliyi
GADTB: Azərbaycanlı fəallar Səməd Heydəri və Əmin Tağızadə barəsində çıxarılmış həbs hökmlərinin qüvvəyə minməsindən sonra onlar 23 xordad 1405-ci il tarixində Təbrizdəki Gülkar Beheşti prokurorluğunun İcra Şöbəsinə çağırılıb, daha sonra saxlanılaraq Təbriz Mərkəzi Həbsxanasına köçürülüblər.
Şərqi Azərbaycan Apellyasiya Məhkəməsinin təsdiqlədiyi hökmə əsasən, hər iki fəal “ölkənin təhlükəsizliyinə qarşı toplaşma və əlbir olma” ittihamı ilə 3 il 7 ay, “sistem əleyhinə təbliğat aparma” ittihamı ilə isə 8 ay müddətinə azadlıqdan məhrum edilib.
Məlumata görə, bu cinayət işi 1403-cü ilin bəhmən ayında Təbriz Kəşfiyyat İdarəsi tərəfindən həyata keçirilən əməliyyat zamanı Əmin Tağızadə, Səməd Heydəri və Rza Səliminin saxlanılması ilə başlayıb.
Həmin fəallar bir müddət həbsdə saxlanıldıqdan sonra girov müqabilində müvəqqəti azadlığa buraxılmışdılar. Apellyasiya mərhələsinin başa çatmasından sonra isə hökmün icrasına başlanılıb.
