GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı gənclər Urmiyada fars şairləri “Hafiz”, “Sədi” və “Firdovsi”nin adı verilmiş küçələrin tablolarını etiraz olaraq qaralayıb və Azərbaycan şairi Füzulinin adını yazıblar.
Beləliklə azərbaycanlı gənclər İran rejiminin telekanalının Azərbaycan şairinə qarşı hörmətsizliyinə etiraz ediblər.
Qeyd edək ki, İranın “Kanal 4” televiziya şəbəkəsi Azərbaycan şair, mütəfəkkir və filosofu Məhəmməd Füzulinin əsərlərində ədəbi oğurluğun olduğu qeyd edilib. Belə ki, şairin Saib Təbriziyə aid farsca şeirləri türkcəyə çevirdiyi və öz imzası ilə yaydığı vurğulanıb. Telekanalın bu qondarma iddiaları ictimai şəbəkələrdə geniş qalmaqala səbəb olub.
Ancaq məsələ burasındadır ki, İranın bütün qərəzli təhrifləri kimi bu iddia da yalan və təhrif olub. Çünki, Saib doğulmadan 37 il öncə Füzuli dünyasını dəyişmişdi.
