GADTB Güney Azərbaycan Demokratik Türk Birliyi
GADTB-nin Mətbuat 
Mərkəzinə daxil olan məlumata görə, Azərbaycanlı mədəni fəal Səfiyyə Qarabaği özünün twiter səhifəsində məhkəmə iclası və ona qarşı yalan iddialarla iş açılması barədə türkcə məlumat yazıb.
Azərbaycanlı fəalın yazdığına görə, onun məhkəmə iclası iyun ayının 26-da rejimin Zəncanda yerləşən məhkəməsində keçirilib.
Məhkəmə iclası və ona qarşı yalan iddia ilə iş açma barədə Səfiyyə Qarabaği öz Twitter səhifəsində yazıb:
“Məhkəmə iclası ictimaiyyəti təşvişə salmaq ittihamı ilə keçirildi. Hakimin davranışı və məhkəmə prosesinin gedişatı göstərdi ki, mənin əleyhimə yalan ittihamla iş açmağa çalışırlar”.
Azərbaycanlı fəalın yaydığı məlumata görə, ona sistem əleyhinə təbliğ və ölkə təhlükəsizliyinə qarşı sözləşmə ittihamları ilə əlaqədar çağırış məktubu göndərilib, o sentyabrın 11-də irqçi fars rejimin Zəncanda yerləşən İnqilab Məhkəməsinə müraciət etməlidir.
Qeyd edək ki, Qarabaği ötən il “sosial şəbəkələr vasitəsi ilə sistem əleyhinə təbliğ etmək”, “fitnə cərəyanını dəstəkləmək” və “yalan məlumat yaymaq” ittihamı ilə rejimin Zəncanda yerləşən Ettelaat İdarəsi tərəfindən saxlanılmışdır. Onun bu ittihamlarla qarşılaşmasının Beynəlxalq Ana Dili Günü saxlanılanları dəstəkləmək, qadın hüquqları pozuntularına etiraz etmək, ölkədə azadlığın olmaması və qadınlar haqda qəbul olunan qanunlara etiraz etmək, siyasi məhbuslara dəstək vermək, ədalətsizlik və ayrıseçkiliyə etiraz bildirmək və Mir Hüseyn Musəvinin atasının ölüm ilə bağlı yazılan başsağlığı mesajını imzalamaq kimi işlərlə əlaqədar olduğu bildirilib.
