GADTB Güney Azərbaycan Demokratik Türk Birliyi
GADTB: Güney Azərbaycanlı milli fəal Əli Xeyrcu ailəsi ilə qısa telefon danışığı zamanı Tehranın Evin Həbsxanasında yerləşən Kəşfiyyat İdarəsinin 209 saylı İstintaq Təcridxanasından 7 saylı karantin bölməsinə köçürüldüyünü bildirib.
Məlumatlı mənbələrin bildirdiyinə görə, məhkəmə prosesində ona qarşı irəli sürülən ittihamlar arasında “qanunsuz qrupa üzvlük”, “milli təhlükəsizliyə qarşı toplaşmaq və gizli sövdələşmə” və “ictimai asayişi pozmaq” da var.
Qeyd edək ki, Əli Xeyrcu, Abbas Lisani, Behzad Dəşti və Yusif Kari ilə birlikdə 10 noyabr 2025-ci il səhər saatlarında Evin həbsxanasının qarşısında həbs olunublar.
Azərbaycanlı fəal Behzad Dəşti bu yaxınlarda girov müqabilində azadlığa buraxılıb.
