Beynəlxalq İnstitut: “İran raketlər üçün nüvə başlığı axtarışındadır”

GADTB: Bu gün İtaliya Beynəlxalq Siyasət Araşdırmaları İnstitutu (ISPI) yaydığı hesabatda İranın nüvə proqramında istiqamət dəyişikliyi müşahidə olunduğunu bildirib. Hesabata görə, Tehran nüvə fəaliyyətlərini raketlərdə daşına bilən kompakt nüvə başlıqlarının hazırlanmasına yönəltməyə çalışır.

Sənəddə qeyd olunur ki, İranla İsrail arasında baş verən 12 günlük müharibədən sonra Tehranın çəkindirmə hesablamaları dəyişib və nüvə enerjisinə yanaşma yenidən gündəmə gəlib.

Hesabata əsasən, İranın 441 kiloqram həcmində 60 faiz zənginləşdirilmiş uran ehtiyatı mövcuddur.

Bununla yanaşı, ISPI qeyd edir ki, İranın hazırda “Xorrəmşəhr” raketi kimi təxminən 2000 kilometr mənzilli və iki tona yaxın daşıma qabiliyyətinə malik raketlər üçün uyğun kompakt nüvə başlığı istehsal etmək imkanı yoxdur. / Azad İran