GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Apelyasiya Məhkəməsi azərbaycanlı milli fəal Nadir Sadiqian barədə çıxarılmış məhkəmə qərarını təxirə salıb.
Şərqi Azərbaycanda Apelyasiya Məhkəməsi bundan öncə Təbrizin Cinayət Məhkəməsinin 111-ci şöbəsində mühakimə olunan və barəsində 4 ay həbs, 6 milyon tümən cərimə cəzası çıxarılan Sadiqianın cərimə cəzası 2 il müddətinə təxirə salınıb.
Apelyasiya Məhkəməsinin son qrarında yazılıb: “Məhkum iki il müddətində müxalif və separatçı qruplarla əlaqədən çəkinməli, əyalətdən və ölkədən qırağa çıxmaq istədikdə Şərqi Azərbaycanda təhlükəsizlik idarəsinə məlumat verməli və müvafiq rəy verildikdən sonra səfərə çıxmalıdır. İslami Cəza Qanununun 54-cü maddəsinə əsasən məhkum olunan şəxs nəzərdə tutulan müddət ərzində tələb olunan qaydaları pozduqda, məhkəmənin göstərişlərini yerinə yetirmədikdə öncəki cəzasından başqa barəsində yeni cəza tədbirləri görüləcəkdir”.
Qeyd edək ki, Güney Azərbaycanda əl-Əhvaz etirazlarına dəstək etirazlarında həbs edilən azərbaycanlı milli fəal Nadir Sadiqian İranın Təbrizdəki Cinayət Məhkəməsinin 111-ci şöbəsi tərəfindən nağd pul cəzasına məhkum edilmişdi.
Rejimin məhkəməsinin qərarına əsasən, Sadeqian dövlət büdcəsinə 60 milyon rial məbləğində cərimə ödəməli idi.
Nadir Sadeqian şərlənərək, “İctimai şəbəkələrdə kommunikasiya sistemləri vasitəsilə insanları zorakılığa təhrik və dəvət etmək”də ittiham olunmuşdu.
Nadir Sadeqian iyul ayının 25-də İran rejimi tərəfindən həbs edilərək Təbrizdə ETTELAAT İdarəsinin təcrdixanasına salınmışdı.
Azərbaycanlı fəal 14 avqustda girov qarşılığında məhkəməyə qədər zaminə buraxılmışdı.
