GADTB-nin Mətbuat Mərkəzinə daxil olan məlumata görə, şənbə günü iyul ayının 14-də azərbaycanlı milli-mədəni fəal Səhənd Məali 300 milyon riallıq vəsiqə qarşılığında Sarab zindanından zaminə buraxılıb.
İrqçi fars rejimin məhkəməsi azərbaycanlı fəalın zaminə buraxılması üçün vəsiqə təyin edilməsinə baxmayaraq rejimin təhlükəsizlik orqanı heç bir cinayət işləməmiş fəalın dosyesinin təkmil olmadığı bəhanə edərək onun zaminə buraxılmasını gecikdirirdi.
Qeyd edək ki, irqçi fars rejimin əmniyyət qüvvələri Sarab sakini olan Səhənd Məalini iyul ayının 5-də Babək Qalası Qurultayının keçirilməsi zamanı fəalın ata evinə hücum edərək yaxalamışdılar.
Rejimin məmurları həmçinin məhkəmə hökmü olmadan həmin azərbaycanlı fəalın ata evi və iş yerində axtarış aparmış, fəala məxsus komputer və şəxsi əşyaları zəbt etmişdir. İrqçi fars rejimin təhlükəsizlik qüvvələri həmçinin Səhənd Məalinin ailə üzvlərini təhqir edərək, hədələmişlər.