GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, 2018-ci il iyun ayının 15-də Güney Azərbaycanın Ərdəbil şəhərində tanınmış pop müğənnisi Keyvani azərbaycan manlıarından ibarət keçirmək istədiyi konsertə icazə verilmədiyi üçün irqçi fars rejiminə etiraz olaraq öz gitarasını yandırıb.
P.Keyvani bununla konsertə icazə verməyən rejimin Ərdəbildəki İslami İrşad və Mədəniyyət İdarəsinə öz etirazını bildirib və gitarası yanarkən deyib:
“Mən türk dilində konsert üçün icazə istəyirəm, məsullar bu tələbdən qarın ağrısına düşür. Ərdəbil vilayətində İslami İrşad və Mədəniyyət İdarəsinə etiraz edirəm. Ümid edirəm ki, bununla bağlı səlahiyyətli orqanlar bizə yardım edəcək. Nə üçün ana dilimdə musiqiyə və konsert verməyə icazə verilmir?! Mən bu vəziyyətə etiraz olaraq sazımı yandırıram, bundan sonra da heç vaxt Ərdəbildə konsert verməyəcəm və inşallah yaxın zamanda bu şəhərdən gedecəm”.
Qeyd edək ki, irqçi fars rejimi Azərbasycan türkcəsini qadağan etdiyi kimi Azərbaycan türkcəsinə olan mahnıların konsertini də əslində qeyri-rəsmi qadağan edib. Bu da Azərbaycan türk millətinin mənəvi soyqırımla məhvinə hesablanıb.
