GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, Urmiyada azərbaycanlı öyrəncilər Azərbaycan türkcəsinin rəsmi dövlət dili olmasını tələb ediblər. Azərbaycanlı öyrəncilər bu tələblərini irəli sürmək məqsədilə müvafiq şüarlar yazılmış etiketləri Urmiya Universitetinin divarlarına yapışdırıblar.
Azərbaycanlı öyrəncilər 2018-ci il oktyabr ayının 7-də Azərbaycan türkcəsi, fars və ingilis dillərində yazılan etiketləri divarlara yapışdırıblar. Onlar rejimdən ölkə əhalisinin əksəriyyətini təşkil edən Azərbaycan türklərinin dilinə rəsmi dil statusu qazandırılmasını tələb ediblər.
Azərbaycanlı öyrəncilərin divarlara yapışdırdıqları etiketlərdə “Türk dilində mədrəsə – olmalıdır hər kəsə”, “Türk dili rəsmi olsun”, “Konstitusiyanın 15-ci maddəsi icra olunmalıdır” və “Biz ana dilinin tədris olunmasını tələb edirik” şüarları əks olunub.
Azərbaycanlı öyrəncilər beləliklə irqçi və işğalçı fars rejimin mənəvi soyqırım siyasətini dayandırmağı və türk dilini rəsmi dil elan etməyi tələb ediblər.
