GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ermənistanın Azərbaycan ərazilərinə təcavüzünü pislədiyinə görə Güney Azərbaycanın Urmiya şəhərində irqçi fars rejim tərəfindən həbs edilən azərbaycanlı siyasi məhbus Salar Tahir Əfşar yaxınları ilə qısa telefon əlaqəsində zindanın karantin bölümündən gənclər bölməsinə köçürüldüyünü bildirib.
Azərbaycanlı fəal mayın 19-da öncədən bildirilmədən həbsxananın karantin bölməsinə köçürülmüşdü.
Salar Tahir Əfşar bu ilin aprel ayının 19-da Urmiya şəhərindəki ata evində rejimin təhlükəsizlik məmurları tərəfindən saxlanılmışdı.
Bundan öncə 4 il həbs cəzasına məhkum edilən milli fəalın cəzası Qərbi Azərbaycan əyalətinin apellyasiya məhkəməsinin 13-cü şöbəsi tərəfindən 1 ilə endirilib.
Qeyd edək ki, erməni təcavüzünü pislədiyinə görə Urmiyada yaşayan Azərbaycanın milli milli fəal Salar Taher Afshar bir il həbsə məhkium edilmişdi.
Rejim erməni təcavüzünü pislədiyinə görə fəalı “Sistemə qarşı təbliğat və qanunsuz toplantılar təşkil etməyə cəhd” ittihamı ilə dörd il həbs cəzası əvəzinə “Sistemə qarşı təbliğat” ittihamı ilə bir il həbs cəzasına məhkum etmişdi.
Qarabağ qurtuluş müharibəsi dövründə bir çox Azərbaycan milli fəalları müxtəlif saxta ittihamlarla təhlükəsizlik xidmətləri tərəfindən tutularaq qanunsuz olaraq bir neçə gün həbs edildi və müxtəlif şəhərlərdə onlara qarşı həbs cəzaları verildi.
