GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Sulduz şəhərindən olan azərbaycanlı siyasi məhbus Səccad Şəhiri mayın 25-də Sulduz zindanından azadlığa buraxılıb.
Fəal İran Məhkəmə Sisteminin 6 aydan az məhkumluğu olanlar barədə yeni sərəncamına uyğun olaraq azadlığa buraxılıb.
Qeyd edək ki, Səccad Şəhiri aprelin 3-də məhkəmə qərarlarının icrası şöbəsinə müraciət etdikdən sonra 6 aylıq həbs cəzasını çəkmək üçün Sulduz şəhərində rejimin zindanına köçürülmüşdü.
Azərbaycanlı fəal 2020-ci il yanvar ayının 16-da İranın ETTELAAT agentləri tərəfindən Sulduz şəhərində yaxalanaraq dindirilmək üçün ETTELAAT-ın Təbrizdəki təcridxanasına köçürülmüşdü.
Fəal həmin ilin mart ayının 2-də ETTELAAT-ın təcridxanasından Təbriz şəhərinin mərkəzi zindanına köçürülüb və 500 milyon tümənlik girov qarşılığında məhkəmənin son qərarına qədər zaminə buraxılmışdı.
