Azərbaycanlı vəkil Məhəmmədrza Fəqihinin işi üzrə məhkəmə təxirə salınıb

GADTB-nin Mətbuat Mərkəzinə daxil olan məlumata görə, dünən azərbaycanlı vəkil Məhəmmədrza Fəqihinin məhkəməsi baş tutmalı idi, lakin İnqilab Məhkəməsinin hakimi Əbulqasim Salavati onun vəkillərindən birinin iclasda iştirakına mane olduğu üçün baş tutmayıb.

Məhəmmədrza Fəqihi “ölkənin təhlükəsizliyinə qarşı cinayət törətmək niyyəti ilə toplaşmaq və sövdələşmə” ittihamı ilə mühakimə olunmalı idi.

Məhəmmədrza Fəqihi keçən il Mərkəzi Hüquqşünaslar Assosiasiyasının binası qarşısında keçirilən dinc toplantıda həbs edilib.

Qeyd edək ki, Məhəmmədrza Fəqihi 2022-ci il oktyabrın 12-də Tehranda vəkillərin “Etirazçıların hüquqlarının və İran Konstitusiyasının 27-ci maddəsinin pozulmasına” etiraz olaraq keçirdikləri aksiyada iştirak etdiyinə görə həbs edilmişdi.

Azərbaycanlı vəkil bir sıra milli fəalların, o cümlədən Abbas Lisaninin vəkili olaraq, onları məhkəmədə müdafiə etmişdi.