GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Azərbaycan İnsan Haqları Təşkilatının vitse-prezidenti hüquqşünas Sina Yusifi İsfahan Şəhər Prokurorluğunun 20-ci şöbəsinə elektron sistemin bildirişi ilə çağırılıb.
Azərbaycanlı vəkil “sistem əleyhinə təbliğat aparmaq”, “ictimai rəyi əks-istiqamətdə yönəltmək”də ittiham olunub.
Qeyd edək ki, Sina Yusifi 2022-ci ildə etiraz aksiyasında həbs edilən vətəndaşlara hüquqi dəstək vermək üçün Vəkillər Kollegiyasının İnsan Haqları Komissiyasında müdafiə komitəsi yaratmışdır.
O, oktyabrın 23-də təhlükəsizlik qüvvələri tərəfindən həbs edilmiş və “rejim əleyhinə təbliğat” ittihamı ilə 2 il 6 ay həbs cəzasına məhkum edilmişdir. Təbriz Cinayət Məhkəməsinin 112-ci şöbəsi tərəfindən ölkədən çıxış qadağası və elektron cihazların müsadirə edilməsi ilə bağlı “virtual məkanda yalan yaymaq” ittihamı ilə 91 sutka həbs edilib və 150 milyon rial cərimə ödəyib.
