GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın “Traxtur” futbol komandası avqustun 22-də Asiya Çempionlar Liqasının pley-off mərhələsində Birləşmiş Ərəb Əmirliklərinin “Şarja” futbol komandası ilə yarışıb.
yarışı izləmək üçün Güney Azərbaycanın müxtəlif bölgələrindən Təbrizin Səhənd stadiona axışan “Traxtur” tərəfdarlarının sayı 100 min civarında olub. Onlar yarış boyu milli şüarlar səsləndirməklə molla rejiminin Antiazərbaycan siyasətinə öz etirazlarını bildiriblər.
Azərbaycanlı tərəfdarlar stadionda aşağıdakı milli şüarları səsləndiriblər:
Türk dilində mədrəsə, olmalıdır hər kəsə!
Azadlıq, Ədalət, Milli hökumət!
Azərbaycan qızları, göylərin ulduzları!
Ərdəbil canımdır, Təbriz axan qanımdır!
Azərbaycan var olsun, istəməyən kor olsun!
Gəlin gedək ağlayaq, Urmu gölün dolduraq!
Türk qardaşım, dur, səs ver, Urmu gölünə nəfəs ver!
Qeyd edək ki, rəqib komanda 25-ci və 84-cü dəqiqədə iki qol vuraraq önə keçsə də, doğma klubumuz 86-cı dəqiqədə fərqi azaltmağa nail olub . Lakin oyunun bitməsinə yaxın penaltidən buraxılan qol matçın taleyini 3-1 hesabı ilə ərəblərin xeyrinə bitirib.
