GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin, xüsusilə irqçi Ruhani hakimiyyətinin Güney Azərbaycanın Tikantəpə şəhərini Kürdüstan kimi təqdim etməsi azərbaycanlıların ciddi etirazı ilə qarşılaşıb.
Azərbaycanlı fəallar sosial şəbəkələrdə geniş şəkildə irqçi rejimin Azərbaycanı Kürdüstanblaşdırma istiqamətində bu qeyri-insanı hərəkətinə etiraz edirlər.
Qeyd edək ki, İranın Şəhərsalma və Yol naziri Məhəmməd İslami Azərbaycanın Tikantəpə bölgəsini Kürdüstan adlandırmışdı.
İsfahanlı nazir Səhiyyə, eləcə də Şəhərsalma və Yol nazirliklərinin hazırladığı layihələrin açılış mərasimində çıxış edərkən Tikantəpəni Kürdüstan şəhərlərindən biri kimi təqdim edib. Video konfrans şəkilində keçirilən mərasimdə Həsən Ruhani də iştirak edib.
Qeyd edək ki, keçən həftə İranın səhiyyə nazirliyi rəsmiləri də Azərbaycan adını təhrif olunmuş şəkildə təqdim edərək “Şərqi Azər” sözündən istifadə ediblər.
