GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Babək qalası qurultayı ərəfəsinə irqçi fars rejimin təhlükəsizlik orqanları Ərdəbildə çox sayda azərbaycanlı fəal yaxaladı.
Dünən iyulun 2-dən Azərbaycanın müxtəlif şəhərləri ilə yanaşı Ərdəbil şəhərində tanınmış azərbaycanlı milli-mədəni fəal Abbas Lisani yaxalanıb. Öz iş yerində yaxalanan fəal naməlum istiqamətə aparılıb, onun harada saxlandığı barədə hələlik heç bir məlumat yoxdur. Fəalı yaxalayan rejimin məmurlarının bəzisinin Tehrandan gəldiyi bildirilir.
Ərdəbil şəhərində həmçinin Əsgər Əkbərzadə, Əli Vasiqi və Cəfər Rüstəmi iş yerində, Səid Sadiqifər isə atası evində təhlükəsizlik qüvvələri tərəfindən saxlanılıb.
Ərdəbildə tutulan azərbaycanlı fəallar arasında Mehdi Huşmənd və Rəhim Qulami də olub.
Qeyd edək irqçi fars rejimi azərbaycanlı fəalları yaxalamaqla Azərbaycan türk millətinin Babək qalasına yürüşünün qarşısını almaq istəyir.
