Çərşənbə axşamı , Sentyabr 28 2021
azfa

Binabda öyrəncilərin davamlı dirənişi nəticə verdi: Azərbaycan türkcəsi fənni yenidən əlavə edildi

GADTB-nin Mətbuat Mərkəzinə daxil olan məlumata görə, Güney Azərbaycanın Binab şəhərinin Universitetində Azərbaycan türk dili və ədəbiyyatı fənninin könüllü fənn kimi tədrisi, universitetin tədris proqramına əlavə edilib. Bu isə azərbaycanlı öyrəncilərin davamlı müraciəti və tələbi nəticəsində baş verib.

Azərbaycanlı öyrəncilərin haqlı tələbi və dirənişi Binab Universitetinin yeni rəhbərliyini Azərbaycan türk dili və ədəbiyyatı fənnini tədris proqramına yenidən əlavə etməyə məcbur edib.

Qeyd edək ki, Güney Azərbaycanın Binab şəhərinin universitetində öyrəncilərin könüllü seçdiyi Azərbaycan türkcəsi fənni ləğv edilmişdir.

Azərbaycanlı öyrəncilərin illər boyu mübarizəsi nəticəsində Binab Universitetində açılan 2 vahidlik (kredit) Azərbaycan türkcəsi və ədəbiyyatı fənni tədris olunurdu. Dərsliklərin tədrisinə hətta Elm, Tədqiqat və Texnologiyalar Nazirliyi tərəfindən icazə verilmişdi və Universitetin Təlim Şurasında təsdiqləndikdən sonra tədrisə başlanmışdır.

Azərbaycanlı öyrəncilər böyük coşqu ilə həmin könüllü seçilən fənni seçirdilər. Lakin universitetin yeni rəhbərliyi və Ruhani hakimiyyətinin fitnəkarlığı nəticəsində həmin könüllü seçilən Azərbaycan türkcəsi fənni könüllü fənnlər siyahısından çıxarılıaraq, ləğv edilmişdir.

Həmçinin yoxlayın

Fars-molla rejimindən Azərbaycana qarşı hədələr davam edir

GADTB-nin Mətbuat Mərkəzinə daxil olan məlumata görə, İran parlamentinin daha bir deputatı Azərbaycanı Azərbaycanı hədələyib. …

Sayın Mikayil Oytanın 27 Sentyabr Anım Günü ilə bağlı bildirişi

GADTB-nin Mətbuat Mərkəzinə daxil olan məlumata görə, Avstraliya-Azərbaycan Assosasiasiyası (AAA) prezidenti, Güney Azərbaycan Demokratik Türk …

Bir cavab yazın