GADTB Güney Azərbaycan Demokratik Türk Birliyi
GADTB: Dünən BMT Baş Assambleyasının Üçüncü Komitəsi İranda insan haqlarının pozulmasına dair qətnaməni 79 lehinə, 28 əleyhinə və 63 bitərəf səslə qəbul edib.
Qətnamə, bu il İrandakı edamlar, qadınların hüquqları, etirazçılara qarşı repressiyalara daha geniş diqqət ayıran mətn olaraq təqdim olunub.
Qətnaməyə səsvermədə Hindistan bitərəf mövqedən əleyhinə keçərkən, Mavritaniya bitərəfdən lehinə səs vermə qərarını dəyişib. Konqo Respublikası isə əleyhinə səs verən ölkələrdən bitərəfə keçib. İranın BMT-dəki nümayəndəsi, qətnamənin mətnini “müzakirə edilə bilməz” adlandıraraq, ABŞ sanksiyalarının və İsrailin hücumlarının təsirini aradan qaldırılmadığını bildirərək, tənqid edib. Buna baxmayaraq, Kanada tərəfindən sponsorluq edilən mətn Avropa İttifaqı, Avstraliya və Britaniya kimi ölkələr tərəfindən geniş dəstək alıb. / Azad İran
