GADTB Güney Azərbaycan Demokratik Türk Birliyi
GADTB: İranın cənubunda yerləşən mühüm neft və qaz obyektlərinə hücum edilməsi münaqişənin həssas və riskli mərhələyə daxil olduğunu göstərir. Analitiklərin fikrincə, gərginliyin artması təkcə İran daxilində deyil, bütün region üçün ciddi nəticələr doğura bilər.
Bir qədər əvvəl yayılan məlumatlara görə, raket hücumu nəticəsində Cənubi Pars qaz yatağı və Əsəluyeh bölgəsində yerləşən neft-qaz obyektləri hədəfə alınıb. Bu ərazi İranın ən mühüm enerji mərkəzlərindən biri hesab olunur və ölkənin qaz təminatında, eləcə də neft-kimya sənayesində əsas rol oynayır.
Mütəxəssislər bildirirlər ki, belə hücumlar regionda münaqişənin miqyasının genişlənməsinə səbəb ola bilər və hətta Fars körfəzi ölkələrinin enerji infrastrukturunu da risk altına qoya bilər.
Əsəluyeh rayonunun rəhbəri bildirib ki, Cənubi Pars qaz yatağında yerləşən 3, 4, 5 və 6-cı fazalar İsrail-ABŞ mənşəli raket zərbələri nəticəsində hədəfə alınıb.
Yanğının yayılmasının qarşısını almaq və vəziyyəti nəzarətdə saxlamaq üçün qeyd olunan fazaların fəaliyyəti müvəqqəti olaraq dayandırılıb.
