GADTB Güney Azərbaycan Demokratik Türk Birliyi
GADTB: İsrail rəsmi şəkildə İran xalqını Sepah və hökumətə qarşı üsyana çağırdığı bir vaxtda, İsrail rəsmilərinin məxfi qiymətləndirməsi göstərir ki, genişmiqyaslı etirazlar baş verərsə, nümayişçilər təhlükəsizlik qüvvələri tərəfindən ciddi və qanlı repressiya ilə üzləşə bilərlər.
Məlumata görə, bu qiymətləndirmədə İran hakimiyyətinin hələlik dağılma əlamətləri göstərmədiyi və dövlətin repressiya mexanizminin son mərhələyə qədər müqavimət göstərməyə hazır olduğu qeyd olunur. Hesabatda vurğulanır ki, ölkə daxilində vəziyyətə nəzarət baxımından Sepah hələ də üstün mövqedədir.
Bununla belə, İsrail rəsmiləri daxildə xalq üsyanının baş verə biləcəyinə ümid etdiklərini bildirir və belə bir vəziyyətdə ABŞ-a dəstək verməyə hazır olmasını vacib sayırlar.
Eyni zamanda, ABŞ rəsmiləri də etiraf ediblər ki, İranda genişmiqyaslı etirazların başlanması halında nümayişçilər silahlı qüvvələr və hökumətin təhlükəsizlik aparatından ciddi təhlükə ilə üzləşə bilər.
