GADTB Güney Azərbaycan Demokratik Türk Birliyi
GADTB: Sima Əlipur, Vəhid Əbhəri, Nima Radməniş və Salar Tahirəfşar adlı dörd azərbaycanlı fəala məhkəmə elektron bildirişləri göndərilərək Təbriz İnqilab Məhkəməsinin 3-cü şöbəsinə çağırılıblar.
Verilmiş bildirişlərə əsasən, sözügedən dörd fəal öz işlərinə baxılması üçün 1405-ci il mehr ayının 7-si, çərşənbə axşamı, saat 11:00-da Təbrizdəki Şəhid Behişti Məhkəmə Kompleksində yerləşən İnqilab Məhkəməsinin 3-cü şöbəsində iştirak etməlidirlər.
Fəallar barəsində irəli sürülən ittihamlar «rejimə qarşı təbliğat», «ictimai rəyi narahat etmək» və «dövlət vəzifəsi adından saxta istifadə» kimi göstərilib. İndiyədək bu ittihamların konkret hansı fəaliyyətlərlə bağlı olduğu və işlərin necə başladığı barədə əlavə məlumat yayılmayıb.
Çağırılan fəallardan biri olan Salar Tahirəfşar hazırda beşillik həbs cəzasını Tehranın Evin həbsxanasında çəkir. Onun hələ də həbsdə olduğu halda yeni məhkəmə bildirişində adının yer alması diqqət çəkib.
Dörd fəalın məhkəməyə çağırılması Azərbaycan fəallarına qarşı təhlükəsizlik və məhkəmə təzyiqlərinin davam etdiyi bir vaxtda baş verir. Bu fəallar Azərbaycan xalqının milli tələblərini müdafiə edirlər.
