ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتینین صدری، آوسترالییا آذربایجان آسوسیاسییاسینین پرئزیدئنتی سایین میکائیل بی اویتا شیمالی کیپر تورک رئسپوبلیکاسینین پرئزیدئنتی سایین ارسین تاتارین مکتوبونا جواب یازیب. مکتوبو اولدوغو کیمی تقدیم ائدیریک:.
حؤرمتلی ارسین تاتار
شیمالی کیپر تورک رئسپوبلیکاسی پرئزیدئنتی
حؤرمتلی جناب پرئزیدئنت،
سیزین صمیمی مکتوبونوزو آلماق‌دان بؤیوک شرف دویورام. آوسترالییا آذربایجان‌لیلار آسوسیاسییاسی آدین‌دان، صمیمی سؤزلرینیزه و شیمالی کیپر تورک رئسپوبلیکاسینین پرئزیدئنتی اولاراق آوسترالییایا ائتدیگینیز تاریخی سفرینیزه گؤره درین تشکورومو بیلدیرمک ایسته ییرم. سیزی و هئیتینیزی قبول ائتمک، اورتاق مدنیت و عنعنه‌لریمیزی قئید ائتمک بیزیم اوچون بؤیوک بیر شرف ایدی.
سیزین سفرینیز تکجه کیپر تورک ایجماسی اوچون دئییل، عینی زامان‌دا آذربایجان، تورکیه و شیمالی کیپر تورک رئسپوبلیکاسی اولاراق اوچ دؤولت آلتین‌دا بیر میللت کیمی درین باغلاریمیزی پایلاشان هر بیریمیز اوچون اهمیت‌لی بیر مرحله ایدی. جغرافی مصافه‌لره باخمایاراق، بیزی بیرلش‌دیره‌ن اورتاق میراث، مدنیت و ده یرلریمیزله فخر ائدیریک.
بیز اورک‌دن سیزین بیرلیک و همرأی‌لیک حیسلرینیزله راضیییق. حقیقتاً ده، اورکلریمیز اوچ دؤولت بیر میللت اولاراق دؤیونور: آذربایجان، تورکیه و شیمالی کیپر تورک رئسپوبلیکاسی. بیز شیمالی کیپر تورک رئسپوبلیکاسینین آذربایجان رئسپوبلیکاسی طرفین‌دن تانینماسینی صمیمی قلب‌دن اومید ائدیریک، بو، دیگر تورک حکومتلری طرفین‌دن تانینمانین و نهایت، بئین الخالق عالم طرفین‌دن تانینمانین یولونو آچاجاغینا اینانیریق. شیمالی کیپر تورک رئسپوبلیکاسینین بایراغینی بمت-ده قورورلا دالغالاندیغی گونو گؤرمیی آرزولاییریق.
سیزین لیدئرلیگینیز و کیپر تورک خالقینا اولان باغلیلیغینیز بیزی روحلاندیریر و بیز زنگین مد‌نی ارثیمیزی گله‌جک نسیللره قوروماغا و اؤتورمه‌یه صادق قالیریق. کیپر تورک ایجماسینا دسته یی غرور و قطعیتله داوام ائتدیرجه ییک.
بیر داها سفرینیزه و داوام‌لی دسته یینیزه گؤره تشکور ائدیره‌م. گله‌جک‌ده گوجلو و امکداش‌لیق موناسیبتلریمیزی داوام ائتدیرمه یی و سیزی یئنی‌دن آوسترالییادا قبول ائتمه یی و یا شیمالی کیپر تورک رئسپوبلیکاسینی دا زیارت ائتمه یی صبیرسیزلیکله گؤزله ییریک.
ان صمیمی حؤرمتله،
میکائیل اویتا
آوسترالییا آذربایجان‌لیلار آسوسیاسییاسی پرئزیدئنتی
مکتوبون اینگیلیسجه متنی:
