یکشنبه , آوریل 14 2024
azfa
تازه ها

میللی موباریز عباس بی لیسانی‌نین یاشام تانیتیمی

گادتب: عباس لسانی گونئی آذربایجان میللی آزادلیق حرکت ینین تانینمیش موباریزلریندن بیریسیدیر.

اسد اوغلو، عباس بی 1346_جی ایلده اردبیل ین معجز محله سینده دونیایا گؤز آچمیشدیر ، آنجاق سوی جا(اصالتا) “آغ میان” کندیندن دیرلر.

عباس بی اورتا تحصیلاتینی بیتیردیکدن سونرا آتاسینین خسته‌لنمه ییندن دولایی ایشله‌مه‌یه وعاییله‌یه قاتغی ساغالماغا مجبور اولور.

سونرا 1365-جی ایلده عسگرلییه یوللانیلیر و اؤز دئدیکلرینه اساسا فارس چیلیغین چیرکین سیاست‌لرینه ائله عسگرلیک دؤنمینده شاهید اولوب و بئینینده تورکچولوک قیغیلجیملیقلار یارانمیش اولور.

دیپلم مدرکینی ایسه اردبیل زیندانیندا آلیر.

عسگرلییی بیتدیکده چئشیدلی ایش و پئشه لرله او جومله دن : پارچا آل وئری ، سوروجولوک ، تیکینتی مصالحی و  اردبیل دوستاغی 1385 ات چیلییه مشغول اولور ، اَتچی‌لیک پئشه سی اونون آتا _ بابا پئشه سی اولدوغو اوچون بو ایشین داوامینی دوتور.

عباس بی‌ین ائولی لیینین ثمره سی بیر قیز و ایکی اوغلان دیر.

اردبیل ین معجز  محله سینده کی “چنلی بئل” آدلی توکانی ، تکجه اونون ایش یئری و پئشه سی ایله باغلی ، اقتصادی چالیشمالار مکانی اولمامیشدیر ، او توکان بوتون اینسان لارا قوجاق آچان میللی آزادلیق اوجاغی کیمی رول اویناماقدادیر.

میللی و دوشونجه سئل مباحثه‌لر ، چئشیدلی سوییه ده کیتاب و درگی یایماق و هر شئی‌دن اؤنم‌لیسی میللی فعال لار و کوتله ایله ایلگی یاراتماق ، چنلی بئل توکانیندا باش توتور.

ائله کی 1385 قیام ینین اولای لاریندان سونرا اردبیل امنیتی قووه لری ، آزیندان 500 جیلد کیتاب او توکاندان آپاریرلار.

عباس بی‌ین تورکجه یه اولان ماراغی لاپ اوشاقلیق چاغلاریندا یارانمیشدیر ، او تورکجه شعر کیتابلاری ایلک دؤنه 12 یاشیندا اولارکن بؤیوک بیر هوسله اوخوماغا باشالییر ، داها سونرالار آذربایجان‌ین میللی آزادلیق حرکت‌ینین اؤنجوللرینه چئوریلنده ایسه ، “گؤیرچین” درنه یینین قوروجولارین دان بیری اولاراق دده قورقود بویلاریندان اوستالیقلا نظمه چکیب ، اونلارجا تورکجه و  فارسجا شعر ، مقاله و یازیلارا ایمضا آتمیشدیر.

چئشیدلی پیکت لرده گوج قایناغی ، دیرنمک سیمبولو  اولاراق اودلو نطق لرله او جمله دن : بابک قالاسی _ ستارخان آنیم توپلانتیسی _ باقرخان آنیم توپلانتی سی _ سرچشمه مسجدی _ خرداد  قیامی _ اورمو گؤلو اعتیراض لاری _ شهید لر مزاری _ آنا دیلی گونو و .. اشتیراکی اولور.

بونا رغمن فارس شوونیزمی وحشی جه سینه سالدیری لار عابباس بی‌ین حاققیندا یورودور و بو گونه دک اردبیل ، اهر ، خوی ، یزد ، شیراز دوستاق لاریندا زیندان چکمک له اؤزو دئمیش کن : “میللت‌ین آزادلیغی زیندان لاردان سوووشور” ویجدان توخداقلیغی ایله موباریزه یاشامینی داوام ائدیر.

آنجاق او بو سالدیری لاردان سارسیلمایاراق گونو _ گوندن گوجلو موباریزه فازلارینا ال قویور.

ائله‌کی بو گون شیراز دوستاغیندا سورگونلوک چکرک اونون دوستاق چکمه یی یوخ بلکه نئجه دوستاق چکمه یی گؤز اؤنونده اولور.

آچیق محکمه ایسته‌مه‌یی ، حاقسیزلیق قارشیسیندا آجلیق آکسییالارینا دؤنه لرجه جانین تهلوکه یه سالیب  ال آتماغی و . . اونو اولوسلار آراسی بشر حاقلاری نین چئشیدلی اؤرگوتلری وریندن ویجدان محبوسو تانییب و چئشیدلی زامان لاردا اونون حاققیندا بیانیه لر یایمیشدیرلار.

قایناق : اوزگورلوک هارایی کیتابی صفحه 9_10

دوباره امتحان کنید

فوت هوادار تراختور در اثر باخت سنگین به ذوب آهن

گادتب: به گزارش مرکز گادتب، باخت سنگین تراختور آزربایجان مقابل ذوب‌آهن اصفهان تلفات داد و …

تداوم بازداشت جاسوس‌های ایران در جمهوری آذربایجان

گادتب: کانال تلگرامی MOUZE گزارش می دهد که، عملیات علیه جاسوس‌های گماشته ایران در جمهوری …